Şair - Yazıçı
Haqqında
Anar Seyidağa - Azərbaycan ədəbiyyatının müasir səsini təmsil edən şair. Onun şeirləri həyatın dərinliklərini, insanın daxili dünyasını və varlığın sirlərini araşdırır.
Hər misra bir iz, hər söz bir möhür. Seyidağanın qələmi ilə yazılan hər şeir oxucunu özünə çəkir, düşündürür, hiss etdirir.
Yerdisə göyün axırı,
Əvvəli hardan başlayır?
Buraxın yalvar-yaxarı,
Tanrı ki dua xoşlayır
- Möhür · Anar Seyidağa
Kitab
"Möhür" - Anar Seyidağanın ilk şeir kitabı. Bu kitabda şair həyatın mənasını, varlığın sirlərini və insanın Tanrı ilə münasibətini dərin bir lirika ilə ifadə edir.
"Yerdisə göyün axırı,
Əvvəli hardan başlayır?
Buraxın yalvar-yaxarı,
Tanrı ki dua xoşlayır"
Şeirlər
İsrafilin surun kimdi gözləyən? Bir qığılcım, bir də şeypur yeridir... Vətəni sevməyi öyrətmək olmur, Bu, qan yaddaşıdır, şüur yeridir. Bitəcək rəzalət, bitəcək həsrət, Qalxar Savalandan üç tonqal əlbət. Hanı Xətainin cızdığı sərhəd? Sorub, sual etmək qüsur yeridir. Tərs dönər qılıncı bir gün zamanın, Səbri tükənəndi axı insanın. Nə şimal, nə cənub, Azərbaycanın Araz imzasında möhür yeridir.
Qızım, sual etdin, düşündüm mən də, Hikməti, mənası çox-çox dərində, Dinində, dilində, nəğmələrində Özünü tapdınmı – Vətən deməkdir. Düşün, Ana kimi, ya övlad kimi, Tanrıdan ən böyük bir sovqat kimi. Heç nə düşünməyib dəli at kimi Uğruna çapdınmı – Vətən deməkdir. Övladın boynunda ən müqəddəs haqq Vətəni qorumaq olmalı ancaq. Ayağın altında əzdiyin torpaq Əyilib öpdünmü – Vətən deməkdir. Daşının üstünə daşını qoysan, Düşmən güllə atsa döşümü qoysam, Daşını diz bilib başını qoysan Rahatca yatdınmı – Vətən deməkdir.
Hanı səni çox sevirəm demişdim? O elədir, sonrasını boş ver. Hanı səni unuda bilmərəm demişdim? O elədir, sonrasını boş ver. Hanı sənə sənsiz də yaşayaram demişdim? Bax, o elə deyil, sonrasını boş ver.
Əlaqə
Şeirlər, kitab, tədbirlər və ya sadəcə söhbət üçün əlaqə saxlaya bilərsiniz.
Rəsmi sayt
anarseyidaga.com
Şairin rəsmi saytı. Şeirlər, kitablar və yeniliklər üçün bu ünvana müraciət edin.